කි සි වෙ කු වි නා ශ නො ව න පි ණි ස
ශුද්ධලියවිලි පාඨය :- 1 රාජාවලිය 17:8-16
හැඳින්විම :-
දෙවියන්වහන්සේ විසින් මෙලොව වසන සෑම පුද්ගලයෙකුටම ආදරය ලැබිමට හා ආදරය කිරීමට හැකියාවක් ඇතිව මවා ඇත. එහෙත් අතිශයින් කාර්යබහුල වූ වර්තමාන සමාජය හා ජවිතරටාව හේතුවෙන් එකම නිවසේ වෙසෙන අයටවත් එකිනෙකාගේ සුවදුක් සොයා බැලීමට හෝ කාලය ගත කිරීමට අවස්ථාවක් නැතිවී ගොසින්ය. අද අපගේ ජීවිත ‘රාත්රියේදී එකිනෙක පසු කර යන සුපිරි නැව් දෙකක් වැනිය’. එහි අර්ථය නම් එක් නැවක අලංකාරය දැක ගත හැක්කේ අනෙක් නැවේ සිටින අයටය. එහෙත් රාත්රියේ අන්ධකාරය නිසා එකිනෙකාට අනෙකාගේ සුන්දරත්වය හා වටිනාකම දැක ගැනීමට නොහැකිය. ඇතැම්විට ඔබටත් මෙවැනි හුදකලාවූ නැවක අද්දැකීම දැනෙනවා විය හැකිය. එසේ නොමැතිනම් එවැනි තනිකමකින් ගමන් කරන ඔබේ පවුලේ අයෙක්, නෑදෑයෙක් හෝ මිතුරෙක් සිටිනවා විය හැකිය. ඇතැම් විට ඒ අය තම ප්රශ්නය හෝ වේදනාව නිසා සිය දිවි නසා ගැනීමට පවා බලා සිටිනවා විය හැකිය. අද අපගේ බයිබල් අධ්යනයේද සඳහන් වන්නේ මෙලෙස මරණයට සූදානම් වූ මවෙකු හා පුතෙකුගේ කථාවකි.
දෙවියන්වහන්සේ විසින් අපට මුණගස්වන අයගේ ජීවිතවල ‘ඉරණම’ හෝ ‘දෛවය’ වෙනස්කිරීමේ හැකියාව අපට ඇත (මෙම හැකියාව ශුද්ධාත්මයාණන්වහන්සේගේ බලය මා තුළින් ගලායෑමකි). එබැවින් උන්වහන්සේ මාගේ ජිවිතයට දී ඇති සෑම පුද්ගලයෙක් පිළිබඳවම විශේෂ වගකීමක් මා හට ඇත.
ඔබ කැමති වූවත් නැතත් ඔබ අසල සිටින ඔබ ප්රේමකරන ඔබේ මව හෝ පියා, දුව හෝ පුතා, සහෝදරයා හෝ සහෝදරිය, මිතුරා හෝ මිතුරිය ගැලවීම ලබා ශුද්ධජීවිතයක්* ගත නොකරන්නේනම් (*එනම් යේසුස්ක්රිස්තුස්වහන්සේ කුරුස පූජාව හා මළවුන්ගේ උත්ථානය තුළින් ඇති පාප කමාව හා නව ජීවනය ලබා දේව වචනයට එකඟ වූ ජීවිතයක් ගතකිරීම) අනිවාර්යයෙන්ම සදාකාල විනාශයට යනු ඇත.
අන්තර්ගතය : (මෙම බයිබල් කොටසේ අඩංගු වන කාරණා ගැන විමසා බලන්න)
8 වගන්තිය :-
බැහැදැකිය යුක්තේ කව්රුන්ද, කොහේද යන වග එලියාහට දෙවියන්වහන්සේ පැහැදිලිවම සඳහන් කරයි. එදා සමාජයේ වැන්දඹුව යනු අවලංගු කාසියක් වැනිය. ඈට හෝ ඇගේ දරුවන්ට කිසිදු වරප්රසාදයක් හිමි නොවීය.
9 වගන්තිය :-
ස්වාමීන්වහන්සේ තමාට එළිදරව් කළ සැනින් එලියා වහාම කල් නොයවා සිය දූත මෙහෙවර අරබන ලදි. එලියා තව පැයක් හෝ ප්රමාදවූයේ නම් සිදුවීටට තියමින වූයේ කුමක්ද යන්න 12 වගන්තිය අවසානයේ ශාරපත් හී වැන්දඹු කාන්තාවගේ මුවින්ම මෙසේ සඳහන් කරයි. ‘ඒවා මා සහ මාගේ පුත්රයා විසින් කාලා මැරෙණ පිණිස’ බවයි.
13 -16 වගන්ති :-
එලියා දෙවියන්වහනසේගේ හඬට කන්දී ඊට වහාම කීකරුවිමේ අවසාන ප්රතිඵලය වූයේ නියඟය නිසා ආහාර නොමැතිකමින් හාමතේ මිය යෑමට සිටි මවක් හා පුතෙක් මුදවා ගත්තා පමණක් නොව එම නිවසේ සිටි තවත් අයගේ ජීවිත ආරක්ෂා විමය. එලෙසම එලියාටද අවශ්ය තරම් ආහාර පාන ලැබිනි.
ආදර්ශය හා අදාළකිරීම
දෙවියන්වහන්සේ විසින් ඔබට මුණගස්වා ඇති අය, ගැලවිමේ අද්දැකීම ලබා නොමැතිනම්, ඔවුන් සදාකාල විනාශයට නියමිත නම්, ඔවුන්ගේ ගැලවිම වෙනුවෙන් ඔබට කළ හැකිදේ කුමක්ද?
2. මෙම විශේෂ සුභාරංචි මාසය තුළදී ඔබ විසින් බැහැදැකිය යුක්තේ කව්රුන්ද යන වග දෙවියන්වහන්සේගෙන් විමසා බලන්න. ඇතැම් විට ඔබ විසින් ‘වැඩක් නෑහැ’ යයි කියන පුද්ගලයාවම දෙවියන්වහන්සේ ‘වැඩක් ඇතැයි’ කියනවා විය හැකිය.
3. උන්වන්සේ යම් පුද්ගලයෙක් හෝ යම් පවුලක් පිළිබඳව ඔබට මඟ පෙන්වා ඇතිනම් ප්රමාද නොවී වහාම ක්රියාත්මක වන්න. ඔබේ ප්රමාදය එම පුද්ගලයාගේ මරණයට හේතුව විය හැකිය.
4. දෙවියන්වහන්සේ මේමොහෙතේ ඔබට මඟපෙන්වන්නේ එක් පුද්ගලයෙක් විය හැකිය. ඔබ එම එක ආත්මයට විශ්වාසවන්ත වන්න. එම තනි පුද්ගලයාගේ ගැලවිම හේතුවෙන් තවත් ජීවිත රැසක් ස්වමීන්වහන්සේ දැන හඳුනා ගැනීමට පැමිණෙනවා විය හැකිය.
5. මෙලෙස බැහැදකින අයට ඔබ කුමක් පවසන්නේද?
a. පළමුව ඔබගේ පුද්ගලික යාච්ඤාවේදී ඔවුන් ගැන අයදින්න / මඟපන්වීමක් ලබා ගන්න.
b. ඔවුන්ට හොඳින් සවන්දෙන්න.
c. කථා කිරීමට ඉක්මන්නොවන්න.
d. ශුද්ධාත්මයාණන්වහන්සේ ඔබට කියනදේ, දැනෙන්න සලසන දේ පමණක් ප්රකාශ කරන්න.
e. ඔබට දෙවියවන්වහන්සේ කළ දේ ප්රකාශ කරන්න. කුරුසය නිසා ඔබගේ පරණ ජීවිතය වෙසන් වූ ආකාරය විස්තර කරන්න.
f. තර්ක කිරීම හෝ වාද විවාය වෙනුවට සුහද සාකච්ඡාවක නියැලෙන්න.
g. ඔබ නොදන්නා දේ මතක තබාගෙන හෝ සටහන් කරගෙන පසුව විතර සොයා ඔවුන් දැනුවත් කරන්න.
h. ඔවුන්ගේ විශ්වාසයන් හා මත හෙලා දැකිම හෝ විවේචනය කිරීමෙන් වලකින්න.
6. ඔවුන් හා ඔබ අතර සම්බන්ධතාවයක් ගොඩනගා ගන්න (පාලමක්).