දේව වචනය හා මම අංක 4 ‘සරු පස’

මාතෘකාව :- 

දේව වචනය හා මම අංක 4 :- ‘සරු පස’

ශුද්ධලියවිලි පාඨය :- මතෙව් 13:1-9

(මෙම කොටස සෛලය තුලදී හොඳින් ශබ්ද නගා කියවන්න)

8 “;j;a iuyrla ire බිfuys jeˆ tlÙka ish .=Khla o tlÙka ieg .=Khla o tlÙka Øia .=Khla o ne.ska ඵ, ±øh' 9 ijka we;af;` ijka fo;a jd ·÷÷ 23m×jqvh wid th jgyd f.k ish .=Khla o yeg .=Khla o Øia .=Khla o ne.ska flfkla m, orØ' ire බිfuys jemÜrE" බීc hkafkka woyia lrkÜfha tjeÚ wh h'”

හැ ඳි න් වි ම :

(මෙම බයිබල් අධ්‍යයනයේ පසුබිම හා සාරාංශයක් සඳහන් කරයි.)

ගොවියා විසින් වැපුරුවේ එකම වර්ගයේ බීජ වන අතර එය පතිතවූ ස්ථානය හෙවත් පස මත බීජයේ ඉරණම තීන්දුවිය. බීජ වල කිසිදු වරදක් නොවූ අතර පසේ ස්වභාවය ඊට මුළුමනින්ම බලපාන ලදි. පසුගිය සති තුන තුළදී අපි බීජ වැටුනාවූ පස් වර්ග 3 ක් ගැන සාකච්ඡා කලෙමු. එනම් තද පස, ගල් සහිත හා කටුගස් සහිත පසයි. මෙම ස්ථාන තුනේදීම සිදුවූයේ බීජ විනාශ වීමය. තද පසේ බීජ වහාම කුරුල්ලන්ට ගොදුරු වූ අතර, ගල් සහිත පසේ වැටුනාවූ බීජ පැළවුවත් පස නොගැඹුරු බැවින් එයද හිරු රශ්මියෙන් විනාශ විය. එලෙසම කටුසහිත පසේ වැටුනාවූ බීජ පැළවුනද මඳ කලකින් ඒවාද විනාශ විය. එහෙත් අද දිනයේ සඳහන් වන ස්ථානය සම්පුර්ණයෙන්ම වෙනස්ය. එහි දැනටමත් කිසිදු ගසක් වෑවී නැති අතර වගාවට ඉතාමත් සුදුසු හා සරුසාර පසකි.  එහි වැටුනාවූ බීජ පැළවුන අතර විවධ මට්ටමෙන් ඵල දරන ලදි.

අ ව ධා න ය : -

(මෙම බයිබල් කොටසින් අපට උගන්වනනේ කුමක්ද යන්න විමසා බලන්න)

හදවත නැමැති පස සරුසාර නම් අසන දේව වචනය ජීවිතය තුළ‍ට කා වැදී හොඳින් ඵල දරයි.

අ න් ත ර් ග ත ය :-

(මෙම බයිබල් කොටසේ අඩංගු වන කාරණා ගැන විමසා බලන්න)

1. සරුපසක් ඉබේම හට නොගනියි. ඒ සඳහා ගොවියා විසින් ඉතාමත් වෙහෙස මහන්සියෙන් සැලකිය යුතු කාලයක් ගෙවා ක්‍රියා කරනු ඇත.

2. පළමුවෙන්ම සුදුසු කාලයේදී සුදුසු ස්ථානයන් සොයා ගැනීමෙන් පසුව ඔහු තම ගොවිබිම සැකසිමට පටන් ගනී.

3. දෙවැනුව එහි ඇති සියළුම ගස් වර්ග මුලින්ම ඉවත්කර ඒවා ගිණ්නෙන් පුළුස්සා දමයි.

4. තෙවැනුව පසේ ඇති ගල්බොරළු ඉවත් කර පස හොඳින් බුරුල් කරනු ලබයි.

5.   පසුව මෙලෙස සකසා ගත් බිම මත ‍ගොවියා විසින්  බීජ වපුරනු ලබයි. යේසුස්වහන්සේ දේශනාකරන ආකාරයට කිසිදු බාදාවකින් හෝ අවහිරයකින් තොරව බීජ වර්ධනය වී ඵල හට ගන්නා ලදි.

6. මෙහි සඳහන් වන ආකාරයට පස සරුසාර වූවද, එකම වූවද, එහි හටගත් විවධ ගස් වල විවිධ ප්‍රමාණ වලින් ඵල ඇතිවිය.  එනම් 30, 60 හා 100 බැගිනි. එයට හේතුව කුමක්ද?

ආ ද ර් ශ ය  හා  අ දා ළ කි රී ම :-

(මෙම බයිබල් කොටසින් මට ඇති වැදගත් කම විමසා බලන්න)

1.    ආත්මික වර්ධනය හා ආත්මික පරිණතභාවය එක් රැයකින් ඇති නොවෙයි. මෙය ක්‍රියාවලියක් වන අතර, ඊට සැලකිය යුතු කාලයක් ගතවෙයි.

2. යම් පුද්ගලයෙක් යේසුස්වහන්සේ තම ගැලවුම්කරුසේ පිළිගත් මොහොතේම ඔහු හෝ ඇය ධර්මිශ්ඨ කරනු ලබන අතර පාරීශුද්ධීකරන ක්‍රියාවලිය එම මොහොතේ පටන් අරබනු ඇත.

3.    මෙම පාරීශුද්ධීකරන ක්‍රියාවලිය ඇතිවීමට යහපත් යාච්ඤා ජීවිතයක් තිබීම, භාවනාව, දේවවචනය අධ්‍යනය හා ක්‍රියාවට නැංවීම, ශුද්ධාත්ම ‍බෞතීස්මය හා පුර්ණත්වය ලැබීම මෙන්ම සභාව හා නිරෝගී සම්බන්ධතාවයක් පවත්වා ගැනීම අනිවාර්‍ය වනු ඇත.

4.    පාවුල්තුමා උගන්වන පරිදි ආත්මික බිළිඳන් හට කිරිත් (එනම් මෑතකදී ගැලවිම ලැබූ අය හට මූලික හා සරල ඉගැන්වීම්ද) ආත්මික වැඩිමහල්ලන් හට මාංශත් (එනම් බොහෝ කලකට පෙර ගැලවිම ලැබූ අය හට ගැඹුරු ඉගැන්වීම් ද) ලබාදෙන බවය.

5. ආත්මික වර්ධය ඇතිවීම පිණිස දේව වචනය ‘ඇසීම’ , ‘කියවීම’ , ‘අධ්‍යනය’ ,‘මෙනෙහි කිරීම හෙවත් භාවනාව’ හා ‘ක්‍රියාවට නැංවිම’ යන කාරනා ඉතාමත් වැදගත්ය.

6. ගසක වර්ධනය මනිනු ලබන්නේ එහි හට ගනු ලබන ඵල මඟින්ය. එලෙසම එලයේ රසමත ගස වර්ගකරනු ඇත.  කිතුනුවාගේ ජීවිතයේ සැබෑ කිතුනුකම මැනිය හැක්කේ ඔහු හෝ ඇයට ඇති ශුද්ධාත්ම ඵල මත මිස ශුද්ධාත්ම දීමනා ගණන මත නොවය (වැඩිදුර අධ්‍යනය සඳහා  ‘සභා-ජීවිතය’ අංක 5 සෛල අධ්‍යන සටහන බලන්න). 

7.   මෙම උපමාවට අනුව විවධ මට්ටමින් ඵල හටගත් අතර (එනම් 30, 60 හා 100 බැගින්) ඒ පිළිබඳව යේසුස්වහන්සේ විසින් කළ කිසිදු ප්‍රකාශනයක් සඳහන් නොවෙයි.

8. ගෝලයින් ලෙස අපගේ ආත්මික වර්ධනය හා ආත්මික ඵල දැරීම විවධ මට්ටම්වල පැවතිය හැකිය. කිසිවෙක් කිසිවෙකුට පහත්විමක් හෝ සමානවීමක් හෝ උසස්විමක් විය යුතු නැත. වැදගත් වනනේ එල දැරීම පමණි.

දේව වචනය හා මම අංක 3 ‘කටුගස් සහිත පස’

දේව වචනය හා මම අංක 3 ‘කටුගස් සහිත පස’

ශුද්ධලියවිලි පාඨය :- මතෙව් 13:1-9

(මෙම කොටස සෛලය තුලදී හොඳින් ශබ්ද නගා කියවන්න)

‘7 wka iuyrla lÛ .ia w;r je‡×á lÛ .ia jeවීtajd hglr ±— h’' 22 m×jqvh wid" f• ãœ;fha lrorj,ska o jia;= udhdfjka o m×jqvh hgm;a u Úid" flfkla ඵ, fkdorØ' lÛ w;r jeÛK" බීc hkafkka woyia lrkÜfha tjeÚ wh h'

හැ ඳි න් වි ම :

(මෙම බයිබල් අධ්‍යයනයේ පසුබිම හා සාරාංශයක් සඳහන් කරයි.)

පසුගිය සති දෙක තුළදී අපි බීජ වැටුනාවූ පස් වර්ග 2 ක් ගැන සාකච්ඡා කලෙමු. එනම් තද පස හා ගල් සහිත පසයි. මෙම ස්ථාන දෙකේදීම සිදුවූයේ බීජ විනාශ වීමය. තද පසේ බීජ වහාම කුරුල්ලන්ට ගොදුරු වූ අතර, ගල් සහිත පසේ වැටුනාවූ බීජ පැළවුවත් පස නොගැඹුරු බැවින් එයද හිරු රශ්මියෙන් විනාශ විය. එහෙත් අද දිනයේ සඳහන් වන ස්ථානය මඳක් වෙනස්ය. එහි දැනටමත් ගස් වෑවී ඇත. එනම් ඉන් හඟවන්නේ මෙම ස්ථානයේ පස සරුබවය. එහෙත් සිදුවූයේ ටික දිනකට පසු එහි වැටුනාවූ බීජ ද කලින් ඒවා මෙන්ම විනාශවී යාමය.

අ ව ධා න ය : -

(මෙම බයිබල් කොටසින් අපට උගන්වනනේ කුමක්ද යන්න විමසා බලන්න)

හදවත නැමැති පස කටු ගස්වලින් පිරී ඇත්නම් නම් අසන දේව වචනය ජීවිතය තුළ‍ට කා වැදුනද එය වැඩිකල් නොපවතිනු ඇත.

අ න් ත ර් ග ත ය :-

(මෙම බයිබල් කොටසේ අඩංගු වන කාරණා ගැන විමසා බලන්න)

1.තෙවැනි වර්ගයේ පස සරු පසකි. ඊට හේතුව දැනටමත් එහි ගස් වැවී තිබීමය. එහෙත් ගැටළුව නම් එහි වැවී තිබුණේ කිසිවෙකුටත් ප්‍රයෝජනයක් ඇති ගස් වර්ගයක් නොවීමය. ඒවායේ හටගත් ඵලද විෂ සහිත විය. මන්ද ඒවා කටු ගස්විය.

2.මෙම පසේ වැටුනාවූ බීජ වහාම පැළවිය. එහෙත් ඵල හට ගැනීමට පෙර ඒම ගස් විනාශවී ගියේය.

3. 22 වැනි පදයේ සඳහන් කරන ආකාරයට යේසුස්වහන්සේ මෙම උපමාව විස්තර කරමින් කටු ගස් වලට සමාන කරන්නේ කුමක්ද? එනම්

ü  ජීවිතයේ කරදර හා

ü  වස්තු මායාවටය.

4.   ජීවිතයේ කරදර:

    i. කරදර වලින් පිරී නැති ජිවිතයක් සොයාගැනිමට ඉතාමත් දූෂ්කර දෙයකි.

  ii. මේලෝකයේ කරදර ඇති බව දේව වචනය ඉතාමත් පැහැදිළි ලෙස සඳහන්       කරයි (යොහන් 16:33).

   iii. එහෙත් අවසානය දක්වා විශ්වාසවන්තව සිටින්නා පමණක් ජයගනු ඇත /          ගැලවෙනු ඇත.

   iv. අපගේ ජීවිතයට එන සෑම ප්‍රශ්ණයකටම දිව්‍යමය සැලැස්මක් ඇත.

  v. මෙම සැලැස්ම පෙනෙන්නේ ආත්මික ඇස් ඇති අයට පමණි.

vi. බයිබලය සඳහන් කරන ආකාරයට දෙවියන්වහන්සේට ප්‍රේම කරන       පුද්ගලයාගේ ජීවිතයේ සිදුවන සෑම දෙයක්ම යහපතට සිදුවනු ඇත (රෝම         8:28).

5.   වස්තු මායාව:

        i.  වස්තුව හා ධනය පිළිබඳව බොහෝ විට අපට ඇත්තේ වැරදි ආකල්පයකි.

         ii.  වස්තුව හා ධනය යනු අපවිත්‍ර හෝ ශුද්ධකමට බාධකයක් යයි ඇතමුන් විශ්වාස කරති.

 iii. එහෙත් බයිබලය අපට උගන්වන්නේ ඊට හාත්පසින්ම වෙනස් දෙයකි. බයිබලයේ සඳහන් වන ‘ෂාලොම්’ යන වචනයේ අර්ථය නම් ශාරීරික, සමාජීය හෙයවත් භෞතිකමය හා ආධ්‍යාත්මිකව දෙවියන්නහන්සේගෙන් ලැබෙන ආශිර්වාදයයි.

 iv. එහෙත් ගැටළුව වන්නේ අපි ආශිර්වාදය දුන් තැනැන්වහන්සේ අමතක කර ආශිර්වාදයට නමස්කාර කිරීමට යොමුවීමය.

   v.    ලොත්ට හා ඔහුගේ භාර්‍යාවට මෙන්ම දිමස් හට (2 තිමති 4:10) විනාශය අත්වූයේ ඔවුන් තිදෙනාම වස්තු මායාවෙන් මුලාවීමය.

 vi. දෙවියන්වහන්සේ කෙරෙහි දිනපතා යැපෙන්න ඉගෙන ගත් පුද්ගලයාට වස්තුව හා ධනය කිසි විටක බාධාවක් නොවනු ඇත.

ආ ද ර් ශ ය  හා  අ දා ළ කි රී ම :-

(මෙම බයිබල් කොටසින් මට ඇති වැදගත් කම විමසා බලන්න)

1.   කටු හා ගොකටු ඇතිවූයේ පාපය ලොවට ඇතුල්විමත් සමඟය.

2.   අපගේ ජීවිතයේ ඇති කටු ගස් ගලවා ඉවත් කිරීම ඉතාමත් වැදගත් දෙයකි. එනම් දෙවියන්වහන්සේ හා මගේ අතර ඇති සම්බන්ධයට බාධාවන ඕනෑම දෙයක්,  පුරුද්දක්, ඇබ්බැහිකමක්, සම්බන්ධතාවයක් හෝ පුද්ගලයෙක් වියහැකිය.

3.   යේසුස්වහන්සේ තම දුක්විදීමේ ක්‍රියාවලියේදී කටු ඔටුන්කන් පැළඳි අතර අපගේ සියලු කරදර හා ශාපය උන්වහන්සේ මතට ගත්සේක.   

4.   එබැවින් උන්වහන්සේගේ මරණය හා නැවත නැගීටීමෙන් ලැබෙන නව ජීවිතය වීශ්වාස කරන පුද්ගලයාට පාපයට කමාව හා ඵල දරන පසක්  සහිත බිමක් වැනි හදවතක් ලැබෙයි.

දේව වචනය හා මම අංක 2 'ගල් සහිත පස'

දේව වචනය හා මම අංක 2 ‘ගල් සහිත පස’

ශුද්ධලියවිලි පාඨය :- මතෙව් 13:1-9

(මෙම කොටස සෛලය තුලදී හොඳින් ශබ්ද නගා කියවන්න)

‘mi ;=kS .,a" බි•j, jeˆ" mi .eUqre kÜjQ neœka jyd u me< œh' 6tfy;a" ysre keó=KÏ l," tajd ± uq,a keØ neœka œh’\

හැ ඳි න් වි ම :

(මෙම බයිබල් අධ්‍යයනයේ පසුබිම හා සාරාංශයක් සඳහන් කරයි.)

මෙම උපමා කථාවට අනුව බීජ (දේව වචනය) වැටුන ස්ථාන (අපගේ ජීවිත) කොටස් 4 කට බෙදා දක්වයි. එනම් තද පස (මාර්ගයේ වැටුන බීජ), ගල් සහිත පස, කටුගස් සහිත පස හා සරු පසය.  පසුගිය සතියේ අපි විසින් තද පස හෙවත් මාර්ගයේ වැටුන බීජ පිළිබඳව සාකච්ඡා කළ අතර අද දිනයේ  ගල් සහිත පස පිළිබඳව විමසා බලමු.

අ ව ධා න ය : -

(මෙම බයිබල් කොටසින් අපට උගන්වනනේ කුමක්ද යන්න විමසා බලන්න)

හදවත නැමැති පස ගල්වලින් පිරී ඇත්නම් නම් අසන දේව වචනය ජීවිතය තුළ‍ට කා වැදුනද එය වැඩිකල් නොපවතිනු ඇත.

අ න් ත ර් ග ත ය :-

(මෙම බයිබල් කොටසේ අඩංගු වන කාරණා ගැන විමසා බලන්න)

1.   ගල් සහිත බි‍ම වැටුනාවූ බීජ මඟ වැටුන බීජ වලට වඩා පියවරක් ඉදිරියට ගමන් කරයි. ඒවා වහාම පැළවුන බව සඳහන් කරයි.

2.   මෙම ගල් සහිත ප‍සේ ඉතා ස්වල්ප ප්‍රමාණටකට පස් තිබූණ නිසාත් එම පස තුනී හා ‍නොගැඹුරු බැවින්, එය බීජ ඉක්මනින් පැළවීමට පිටුවහලක් විය.

3.   එහෙත් දින කීපයට පසුව හිරු රශ්මිය නිසා මෙලෙස පැළවූ බීජ වියළී ගියේය. ඊට ‍හේතුව ‍‍‍‍ලෙස දක්වා ඇත්‍තේ පස තුනී හා නොගැඹුරුවීම මෙන්ම මුල් නොමැතිකමය. ගසක ශක්තිමත් බව හා පැවැත්ම රඳා පවතින්නේ එහි මුල් මතය. දුර්වල මුල් ඇති ගස ඉතාමත් පහසුවෙන් විනාශ වී යනු ඇත.

4.   ගල් සහිත පසක මුල් ඇදීමට ඇති හැකියාව ඉතාමත් අඩුය. ගල් නිතරම මුල් ඇදීමට බාධාවක් හා අවහිරයක් වනු ඇත. ගල් සහිත පස නිසරු වන අතර එහි ජලය රැඳී නොපවතින අතර ඉකිමනින් වියළි තත්වයට පත්වෙයි.

ආ ද ර් ශ ය  හා  අ දා ළ කි රී ම :-

(මෙම බයිබල් කොටසින් මට ඇති වැදගත් කම විමසා බලන්න)

1.      ආත්මික ඵල දැරීමට ආත්මික ගැඹුරත්වය අවශ්‍ය ‍වෙයි. 20-21 වැනි වගන්තියට අනුව යේසුස්වහන්සේ විසින් මේ පිළිබඳව විස්තර කර ඇත. සුභාරංචිය ඇසූ සැනින්ම එය ඉතාමත් උනන්දුවෙන් පිළිගෙන පසුව මඳ කලකින් එය අතහැර යන අය ගල් සහිත පසේ වැටුන බීජ වලට සමාන කර දක්වයි.

2.      අපගේ ජීවිතයේද මෙවැනි ගල් පවතිනවා විය හැකිය. දේව වචනය ජීවිතයේ අභ්‍යන්තරයට ගොස් එය නිරන්තරයෙන් දෛනික කටයුතු හා සම්බන්ධවී ක්‍රියා කිරීමට මෙම ගල් බාධාවක් වනු ඇත. මේ ගල් සැබවින්ම කුමක් විය හැකිද? අතනොහරින ලද වැරදි පුරුදු, ඇබ්බැහිකම්, වැරදි ආකල්ප හා විශ්වාසයන්,  වෙනත් ආගමික හා දාර්ශනික අදහස් හා ඉගැන්වීම් ආදියයි.

3.      මොවුන් මෙලෙස ඇදහිල්ල අතහැර යන්නේ ඇයි? තමා ඇසූ වචනය සිතේ තැන්පත් කර නොගැනීම ඊට ප්‍රධානතම හේතුවයි. තමා අසූ පණිවුඩය නිසා පැමිණෙන පීඩාවන් පිළිබඳව යේසුස්වහන්සේ සඳහන් කරයි.

4.      එනම් අපගේ ඇදහිල්ල සෝදිසිකරන පරීක්ෂාවන්ය. යේසුස්වහන්සේට සාතන් විසින් මෙවන් පරීක්ෂා 3 නක් ගෙනාවේය. සාතන් ඒ සියල්ලම දේව වචනය වැරදි ලෙස යොදාගෙන ඉදිරිපත් කළද, යේසුස්වහන්සේ ඒවාට නිවැරදිව පිළිතුරු දුන් අතර පරීක්ෂාවෙන් ජය ගත් සේක.

5.      සාතන්ගේ උපාවලින් ගැලවිමට හා ආරක්ෂා විමට දේව වචනය නැමැති කඩුව අත දැරිය යුත්බව පාවුල් තුමාද අපට මතක් කර දෙයි (එපිස 6:10-18).

6.      ආත්මික ගැඹුරත්වය ඇතිවන්නේ තම ජීවිතය ‍දේව වචනය මත ගොඩ නගන විටදී පමණි. ඒසේ නොමැති විට සිදුවන්නේ වැලිමත නිවස ගොඩනැගූ පුද්ගලයාට සිදුවූ දේමය.

7.      සැබෑ කිතුනුවා හැඳින ගත හැක්‍කේ ඔහුගේ හෝ ඇයගේ ජිවිතයට හිරු පායා රශ්මිය දැනෙනවා සේ ප්‍රශ්ණ හා කරදර වලට මුහුණ පාන විටදි පමණි.

8.      හිරු රශ්මිය යනු දිගටම පවතින දෙයක් නොවන අතර එය පැය කීපයකදී නැතිවී යනු ඇත.  එලෙසම ජිවිතයට එන කුණාටු හා ප්‍රශ්න පවතින්නේද කෙටි කාලයකට පමණි.

9.      ඔබේ ජීවිතයේ ඉවත් කිරීමට ඇති ‘ආත්මික බලකොටු’ හෙවත් ‘ගල්’ මොනවාද?